| La Poésie Comorienne |
|
Ali Mroivili "NAPALO" |
 |
L'Auteur |
|
Shanyiri Kwadjalala pvo watsukubali utapala |
WASWIYA |
|
Nawe tsihindwa niutsomwana uvu Na zitsundre djawe zo yahurendawo Randa tsirungame djawulo wayeche Djayawono wingu ulogora lantsidawe Hemi yahutsuwe sahari Hashamiri msindzanu uke ambi Hahuzamu tampa yimnukiye Pvo dema lilo uzi lilo bahari Eka ilembwe kadja dunga amri za mbaye Tsi ndapvo yariyawo nvi mwesheleziza ule Shandapvo yandzo yake waye Ruwa ba asihazi zirirwaliya masowo yatsona pbebe Na ndziya nde zendza ntsale zabile Usubuti noke nkarwa Ba eyamba dingo kana uso Haduwazo uka hawono udowo Ne ntsingo yaabudu le dingo lahawo. A.M |
Tsodo hamba we ushindo! Uri engelezize hidza pvo rilo mtsana Urinose sibiri pvo walo wo swibiri Namwendjezo mtsanga urindja matsoni No esheleya entsa yahe legori Ba ho mwiyano wahe masihu asubihi ngu kwetso Ba owapvereha wende tratro Ba katsa haka kuri mtcherereya Hazini djaliko nezasaya Ngehadjo pvahara eyamdrwawa Henyi nkure!!! Namse ndro ntarideni Nkunu hadjo monani nayi! A.M-Napalo |
|
Yinu tsi hale no tsi ndzinyo Tsi tabiri sha mfano wakweli Ba enge shinduwantsi hondowantsi Shononde hadjo djombini Na ntsahi hadjwesheleya kondohondo Zahoza kazitsiitsiya kazisiwusa Na wulo hule weshelo ezamtoowa Kesa tsozi yesha zomowa yashinga Kesa nvu zolinda shiwara uzini mwabahari Kesa ntsapve zosekwa ndjema mfana nazawadi Neka shazawa heyia mnarani Na rivuze tarumbeta ritsilawe tsozi Ba eyaripvera ngu tcherereyo msinde nasi Nguremo bora yedjiremakotsi Yinu tsidjana sha leo Emwendza mhono nawuletse yahuyi yentsi Bayinu tsi hale tsi ndzinyo Ndizo riwonao A.M-Napalo |
|